Íslenska útgáfan

Style Melissavest er prjónauppskrift. Uppskriftin er send á netfang sem gefið er upp og í PDF formi sem hægt er að hlaða niður. 

Stærðartafla

Stærðir  (cm)                                                                         

XS    (S)     M    (L)    XL    (XXL)    3XL

1. Yfirvídd  (ummál á mitti)                                                

79    (82)   85   (88)   91     (93)      95

2.Lengd á bol                                                                        

51    (53)   55  (55,5) 56     (56)     56

Málin eru tekin af vesti eftir þvott.

Hæfni: Prjóna slétt og brugðið, auka út og taka saman lykkjur, prjóna í hring, lykkja saman og sækja lykkjur.

Efni

Handlitað Wild Alpaca frá Thelma Steimann, 90% baby suri alpaca & 10% silki frá Thelmu

Steimann. Mjúk og létt garn að vinna með. Hver hespa inniheldur 225 m / 100 gr.

Wild alpakka C1: 2 (2) 2 (3) 3 (3) 3

Hringprjónar 80 / 100 cm 6 mm fyrir vestið

Hringprjónar 80 / 100 cm 5 mm fyrir stroff

Saumnál til að fela enda

Lykkjusnúra eða afgangsgarn til að geyma lykkjur

Prjónamerki

Prjónfesta

Hafið í huga að sannreyna prjónfestu áður en hafist er á verkefninu. Fitjið upp 14 L og prj

20 umf á prj 6 mm fyrir 10 x 10 cm prjónfestu.

Ef prjónfestan mælist smærri í cm, skiptið yfir á stærri prjóna.

Ef prjónfestan mælist stærri í cm, skiptið yfir á minni prjóna.

Gott að hafa í huga

Vestið er prjónað neðan frá og upp, að mestu leiti í hring. Þegar opnað er fyrir handvegi er vinnunni deilt upp og vestið prjónað áfram fram og tilbaka. Sama aðferð er notuð þegar hálsmálið er prjónað. Fram-og bakhliðin eru lykkjaðar saman á öxlunum. Lykkjurnar fyrir hálsmálið er sóttar eftir að axlirnar hafa verið tengdar.

Axla Púðarnir eru prjónaðir með því að sækja lykkjur frá handveginum og prjónaður lítill bútur með tvöföldu bandi sem síðar er rúllaður upp og saumaður fastur á röngunni.